احنا اللى بنعمل المجموع ولا المجموع اللى بيعملنا ؟؟؟

[أميرة القمر]

الســـــــــــلام عليكم ورحمـــــــة الله وبركــــــــاته


يا جماعة انا هادخل فى الموضوع على طول لانه مش محتاج مقدمات

هو سؤال واحد ياريت كل طالب فى الثانوية يجاوب عليه

مين اللى بيعمل التانى انت ولا المجموع ؟؟

حاجة غريبة اوى يا جماعة بتحصل من زمان بس معظمنا مش اخد باله منها

لما كنا صغيرين وحد بيسالنا " نفسك تتطلع ايه "

كان منا اللى يقول ظابط واللى يقول دكتور واللى يقول مهندس واللى يقول مدرس وغيره وغيره

بس اول ما دخلنا الثانوية الرد اتغير خالص

وهو ده اللى مش فهماه

يعنى ايه " حسب المجموع "

يعنى ايه لما تسال طالب فى الثانوية " ناوى على ايه ؟"

يرد بكل برود " حسب المجموع "

يعنى ايه يا جماعة انا هتجنن من الحكاية دى

هو مين اللى بيجيب المجموع ده مش انت برضوه ولا حد تانى

تقريبا دى اكتر حاجة مينفعش حد يعملها مكانك على الاقل عشان تحس بطعمها

ايه السلبية اللى بئينا فيها دى يا جماعة

لينا حق فعلا نكون من دول العالم التالت

مش ملاحظين ان احنا المستقبل

ايوه انا وانت وهى وهو

اكيد هيجى علينا يوم من الايام والبلد دى هتكون فى ادينا

يعنى هيكون منا الظابط والوزير والسفير و المدرس والدكتور والمهندس و ....

واللى هيجننى اكتر من ده كله

انى كنت بسال طالب فى ستة ابتدائى جايب 97%

بقوله نفسك تتطلع ايه

تفتكروا رد عليا قالى ايه ؟

والله انا كنت متوقعة انه يقول "دكتور مهندس او حتى لاعب كورة "

بس رده كان مختلف تماما

" نفسى اطلع من المدرسة "

والله انا استغربت زيكم

بس هو رد عليا "يعنى انتى عايزانى اتعب وفى الاخر اقعد فى الشارع زى اللى قاعدين"

ايه يا جماعة حتى حلم الاطفال اختفى


السلبية وصلت للاطفال

ربنا يستر

انا عارفة ان كتير هيقولوا انه عنده حق

نتعب ليه وبعدين مفيش شغل ؟؟

انا مش هرد انا عايزاكم انتوا اللى ترودوا بس هاقول حاجة واحدة

ان شاء الله لما ربنا يكرمك وتكون مسئول عن البلد دى تبقى افتكر ان فى شباب مش لاقيه شغل

اه وفى حاجة كمان

فاكرين الصور دى

http://www9.0zz0.com/2010/01/16/03/281323726.jpg

http://www9.0zz0.com/2010/01/16/03/153247767.jpg


افتكر هو ده اللى بيحصل


يا جماعة سامحونى على اسلوبى ده

بس انا فعلا هتجنن

[فراشة المنتدى]

عندك حق يا جهاد بس نعمل اية الامتحانات زى مانتى عارفة بتيجى فيها حاجات عمرنا ما شوفناها قبل كدة :784::784:وصعبة

[أميرة القمر]

عندك حق يا جهاد بس نعمل اية الامتحانات زى مانتى عارفة بتيجى فيها حاجات عمرنا ما شوفناها قبل كدة :784::784:وصعبة

لأ يا فراشة المنتدى

الامتحانات مش بتيجى صعبة

العيب فينا احنا

انتى عارفة لما بيوقف معايا سؤال فى الامتحان بعمل ايه

بقول لنفسى هو اللى عامل الامتحان ده اكيد حله يبقى ليه يكون اذكى منى ؟

عارفة انها حاجة غريبة

وده السبب اللى بيخلى الاسئلة الصعبة كلها محلولة والغلط عندى دايما فى التافهة

[MŎhǻ₥ễḓ Ţǻhǻ]

السلام عليكم ورحمة الله وبركاته
أنا والله نفسي أتكلم في الجد ده شوية

أولا سياسة التعليم في البلد المفروض لو في حد بيفهم يعدلها والتعليم ده من الحاجات اللي بتحتاج وقت كبير جدا جدا يعني عقبال ما يفكروا يعدلوا نكون احنا بيقالنا ( يا جدو جدو جدو) والاحفاد شابوا كمان هههههههههههه
والله أنا مش رايق ولا حاجه أنا مفيش حد في مصر مضايق من التعليم أكتر مني
بس لغاية امته هنقول حسبي الله ونعم الوكيل .....؟ الكلمة نقولها ونشفي بيها صدورنا كمخدر فقط وببعدين نعيط تاني
بصراحة الكلام كتير أوي أوي ومالوش حد أو نهاية
بالنسبة للأمتحانات الحلوة بتاعتنا دي طبعا ماشاء الله في ناس جايبين فوق ال95 كتير جدا جدا وطبعا سعادته البيه مبسوط ليه ؟؟عشان الامتحانات جت صعبة و في ناس كده ماشاء الله بيحلوا و خلاص ومع ذلك لاعزاء للطالب ال(بدون لقب)
يا جماعة اللوقتي المفروض نسمع كلام من ناس فاهمة شوية سامحوني اني اتكلمت بس بجد جهاد فجرت قنبلة فيا

ومش متكلم الا لما أسمع عشان 99 % من القنبله ما زال موجود
سلااااااااااااام عليكم

[أميرة القمر]

هى دى السلبية اللى بتكلم عليها

دايما الحكومة هى الشماعة اللى بنعلق عليها اهمالنا

انا كمان جايبة مجموع مش حلو

بس بجد الامتحانات ماكنتش صعبة لدرجة الانتحار

[MŎhǻ₥ễḓ Ţǻhǻ]

بس عايز أقولك حاجه هي سلبيه بس برده مش كل حاجة من عندنا بس لا لا والله احنا ظالمين في حاجه واحدة بس ان احنا ما بنسمع كلام ذوي الخبرات بس لكن الحكومة مهياش ملك مقرب ولا نبي مرسل فالكل يخطأ ويخطأ
فمن الذي يصحح؟؟؟

[mhmd magdy]

شكرااااااااااااااااااا

[MŎhǻ₥ễḓ Ţǻhǻ]

:patch_pleur::patch_pleur::patch_pleur::patch_pleu r::patch_pleur::patch_pleur::patch_pleur::patch_pl eur::patch_pleur: